Western Union Россия ва Беларусдаги фаолиятини тўхтатди

Қарор Украинада давом этаётган фожиали воқеаларни ҳисобга олган ҳолда қабул қилинган.

«Биз ички ва ташқи омилларни, шунингдек, ҳамкасбларимиз, шерикларимиз ва мижозларимиз учун оқибатларни диққат билан ўрганиб чиқдик. Россиянинг Украинага ҳужумининг фожиали оқибатлари давом этиши фонида Россия ва Беларусдаги операцияларимизни тўхтатишга қарор қилдик»,- дейилади компания баёнотида.

Йирик ахборот тарқатувчи Business Wire` да чоп этилган мақолада Western Union Россия ва Украна ўртасидаги низо дипломатик ва тинч йўл билан ҳал қилинишига умид билдиради, деб ёзилган.