Yakutskda muhojirning shaxsiy uyi tortib olindi

Yakutskda 46 yoshli chet el fuqarosidan migrantlarni noqonuniy roʻyxatga qoʻygani uchun shaxsiy uyi va yer uchastkasi musodara qilindi. Erkak odamlarni Yakutskdagi Solnechnaya koʻchasida joylashgan oʻz uyiga roʻyxatga qoʻygan. Ikki yil ichida u 140 migrant uchun hujjatlarni noqonuniy rasmiylashtirishga yordam bergan.

Politsiyachilar aniqlashicha, 2024-yildan 2025-yilgacha boʻlgan davrda uy egasi Markaziy Osiyodan 30 migrantni soxta «registratsiya» qilgan. Uning uyi bor-yoʻgʻi 28 kvadrat metr maydonga ega va pechka bilan isitiladi. Erkak odamlar u yerda yashamasligini oldindan bilgan. Roʻyxatdan oʻtish toʻlovi oʻrniga u migrantlarni turli ob’ektlarni qurishga jalb qilgan.

Bu erkak 2024-yilda ham oʻxshash jinoyat uchun 36 epizod boʻyicha sudlangan. Keyinchalik, 2025-yilda sud uni chet el fuqarolarini soxta ravishda hisobga qoʻyish boʻyicha RF JKning 322.3 moddasi boʻyicha 26 jinoyat epizodini sodir etgani uchun 480 ming rubl miqdoridagi jarima bilan manzil-koloniyasida 3 yil muddatga ozodlikdan mahrum qilishga hukm qilgan. Biroq qoidabuzar toʻgʻri xulosa chiqarmagan.

Barcha 140 migrant ham Rossiyaga kirish qoidalarini yoki boʻlish rejimini buzganlik uchun RF KoAPning 18.8 moddasi boʻyicha ma’muriy javobgarlikka tortildi. Yakunda respublika prokuraturasining taqdimnomasiga koʻra, sud mahkum qilingan egasining yashash uyi va yer uchastkasini davlat foydasiga musodara qilish toʻgʻrisida qaror qabul qildi.