YouTube Rossiyada yana ishlay boshladi, biroq…

YouTube videoxostingi barcha uyali aloqa operatorlarida cheklovsiz ishlashni boshladi. Buni Globalcheck xizmati ma’lumotlari tasdiqlaydi.

Platformaning o’lchovlariga ko’ra, YouTube Rossiya uyali aloqa operatorlarining mobil Internetiga ulanishda cheklovlarsiz ishlamoqda. Biroq, ko’plab foydalanuvchilar Wi-Fi tarmog’iga ulanganda videoxostingga kirish hali ham cheklanganligini ma’lum qilishdi.

Bir necha soat oldin ‘Mosfilm” bosh direktori Karen Shaxnazarov Rossiya prezidenti Vladimir Putin bilan mamlakatdagi YouTube bilan bog‘liq muammolarni muhokama qilganini aytdi. Uning soʻzlariga koʻra, 13-noyabr kuni davlat rahbari bilan boʻlib oʻtgan uchrashuvda u hozirgi voqelikda bu platformani sekinlashtirish oʻrinsiz, degan fikrni bildirgan. Putin, Shaxnazarovning so’zlariga ko’ra, vaziyatni «o‘rganish»ga va’da bergan, ammo yakuniy yechimni aytmagan.

Oktyabr oxirida Roskomnadzor rahbari Andrey Lipov agentlik Rossiyada statsionar tarmoqlarda YouTube trafigining kamayishini kuzatayotganini ma’lum qilgan edi.

Rossiyada YouTube’ning yopilishi Ukrainadagi siyosiy vaziyat va mojaroga javoban 2022-yilda kiritilgan qator cheklovlar bilan bog‘liq. Roskomnadzor YouTubedan Rossiya rasmiylari “davlatga qarshi” va “feyk” deb hisoblagan materiallarni olib tashlashni talab qildi. Platforma, shuningdek, Rossiya davlat kanallarini bloklab qo’ydi va bu butunlay taqiqlash tahdidiga sabab bo’ldi.

Rossiya aloqa operatorlari YouTube xizmatini sekinlashtirishi xostingga kirishda qiyinchiliklar tug‘dirdi. Roskomnadzor bunga Google serverlari bilan bog‘liq “texnik muammolar” sabab bo‘lganini ta’kidlaydi, biroq ekspertlar cheklov siyosatining sekinlashuv qismini ko‘rib chiqdilar. 2023-yilda deputatlar va davlat ommaviy axborot vositalari YouTube’ni to‘liq blokirovka qilishga chaqirishdi yoki platformadan Rossiya qonunchiligiga rioya qilishni, jumladan, Rossiyada serverlar ochishni talab qilishdi.

Tahdidlarga qaramay, YouTube 90 milliondan ortiq rossiyaliklar uchun ochiq bo’lib qolaverdi, chunki Rossiyaning RuTube platformasi unga raqib bo ‘la olmadi. Hozir YouTube toʻliq ishlay boshladi va hukumatning xizmatga nisbatan ritorikasi yumshadi, biroq siyosiy vaziyatga qarab kelajakdagi cheklovlar xavfi saqlanib qolmoqda.