Volodin muhojirlardan “kampirlarni yo‘ldan urmaslikni” talab qildi

Rossiyada 2021-yildan beri migratsiya maqomini olish maqsadida tuzilgan 4,3 mingdan ortiq nikoh qayd etilgan. Ularning ba’zilarida kelinning yoshi kuyovdan ancha katta bo‘lgan.

Davlat Dumasi chet el fuqarosining mamlakatda vaqtinchalik yashash ruxsatini olish uchun zarur bo’lgan Rossiya Federatsiyasi fuqarosi bilan birga yashash muddatini uch yilga oshirgan tuzatishni ma’qulladi.

Parlament quyi palatasi raisi Vyacheslav Volodin ham deputatlarni rossiyalik pensionerlarning noqonuniy sxemalarga jalb etilishiga qarshi turishga chaqirdi.

Rossiyada 2025-yilda mamlakatda noqonuniy qolgan muhojirlarni nazorat qilish uchun reyestrni ishga tushirish rejalashtirilayotgani haqida xabar berilgan edi. U kelasi yilning mart oyidan ish boshlaydi.