Воронеж яқинида Ил-18 эмас, ИЛ-22 уриб туширилган

Биринчи каналнинг ҳарбий мухбири Ирина Куксенкованинг сўзларига кўра, уриб туширилган самолёт бортида 10 киши бўлган.

“Пригожиндан Жанубий ҳарбий округ штаб-квартирасида нима учун бу самолёт зарба бермаса ҳам уриб туширилди, деган савол берилганда у, “колоннадаги аҳмоқ зенитчи учиб кетаётган ҳамма нарсани ураверган”, деб жавоб берган. Бу ҳақда Куксенкова ўзининг телеграм-каналида ёзган.

Унинг қўшимча қилишича, Пригожин ҳалок бўлган учувчиларнинг оилаларига товон сифатида 50 миллион рубл тўлашга рози бўлган.
Бир кун аввал россиялик ҳарбий мухбирлар “Вагнер” ХҲК жангарилари ИЛ-18 самолёти ва бошқа бир қанча вертолётларни уриб туширгани ҳақида хабар беришган эди. Бу расман эълон қилинмади.