398 kishi Rossiya fuqaroligidan chiqarib yuborildi

Rossiya Ichki ishlar vazirligining TASS axborot agentligiga ma’lum qilishicha, so‘nggi olti oy ichida 398 nafar shaxsning Rossiya fuqaroligi bekor qilingan. Fuqaroligi bekor qilingan shaxslar sobiq migrantlar bo‘lgan.

Olti oy avval Rossiya fuqaroligi to‘g‘risidagi qonunga o‘zgartirish kiritilgan edi (ч. 1 ст. 24 ФЗ «O О гражданстве Российской Федерации»).

O‘zgarishlarga ko‘ra Rossiyada 64 ta modda bo‘yicha jinoiy javobgarlikka tortilganlarning fuqaroligi bekor qilinadi. Ular orasida terrorizm, ekstremizm, ularni moliyalashtirish, yordamlashish, konstitutsion tizimga tajovuz kabi moddalar bor.

Xulosa qilish mumkinki, Rossiya fuqaroligini olish bir kun kelib uning bekor bo‘lmasligini kafolatlamaydi. Ya’ni fuqarolik rasmiylashtirgach ham migrantlar tenglik prinsipiga asoslangan munosabatga erishmasliklari, kelgindidek tahqirlanishi va eng yomoni, kutilmaganda fuqarolikdan chiqarib yuborilishi mumkin ekan.