“Аэрофлот” Мoсквадан Тошкентга парвозлар сонини оширмоқда

“Аэрофлот”нинг Ўзбекистонга авиақатновлари нафақат Тошкентга, балки Самарқанд, Бухоро ва Урганчга ҳам амалга оширилади.

“Аэрофлот” 16 июлдан бошлаб Москвадан Тошкентга парвозлар сонини оширмоқда. Ҳозирда самолётлар бу йўналишда кунига бир марта парвоз қилаётган бўлса, белгиланган санадан бошлаб кунига икки мартадан рейслар ташкил этилади, деб хабар беради interfax.ru.

Парвозлар Airbus A320 самолётларида амалга оширилади.

Россиянинг етакчи авиакомпанияси 20 май куни Москвадан Тошкентга авиақатновларни қайта тиклади.

Мазкур компания Россия пойтахтидан Самарқанд, Бухоро ва Урганчга ҳам парвозларни йўлга қўйган.