Дмитров шаҳрида кекса муҳожирни калтаклаган безори қўлга олинди

Россия Федерацияси Ички ишлар вазирлигининг Москва вилояти бўйича Бош бошқармасининг тушунтиришича, Дмитров шаҳридаги навбатчилик пунктига автобусда жанжал келиб чиққани ҳақида хабар келиб тушган. Калтакланиш натижасида Марказий Осиё республикаларидан бирида туғилган 66 ёшли эркак жабр кўрган.

Полиция тарқатган видеода безорининг кекса одамни қандай калтаклаётганини кўриш мумкин. Ўзининг айтишича, “дафн маросимидан келаётган” безорига “славян бўлмаган” одамнинг тирик юргани ёқмаган ва уни ура бошлаган. Сўнг жабрланувчининг

автобусдан улоқтирилганини кўриш мумкин. Қизиғи, буни уни калтаклаган одам қилмаган. Йиқилиш натижасида жабрланувчи қонга беланган.

Чол асфалтдан туриб автобус бекатига ўтирганидан сўнг ҳам безори уни уни тепишда давом этган.

Дмитров шаҳрида яшовчи 56 ёшли фуқаро полицияга қария унга беҳаё сўзларни айтганини иддао қилса-да, видеода бунинг исботи кўринмайди.

Видеода гумонланувчининг полициячи томонидан мастликни аниқлаш учун трубкага пуфлаётганидан унинг маст бўлгани ҳам эҳтимолдан йироқ эмас.

Мазкур ҳолат юзасидан гумонланувчига нисбатан Россия Федерацияси Жиноят кодексининг 116-моддаси билан жиноят иши қўзғатилган.