Икки ўзбекистонлик муҳожир бир аёлнинг ўлимида гумонланмоқда

Қотилликка 450 минг рубль сабаб бўлгани тахмин этилмоқда.

Лариса Залялова “махсус ҳарбий операция”да жанг қилаётган ўғлидан пул олгани тахмин қилинмоқда. Аввалроқ у эри билан ажрашишга қарор қилган. Эрининг сўзларига кўра, аёл ўзига ўзбекистонлик ёш хуштор топган.

Декабр ойининг бошида Лариса ижарага олинган квартирага кўчиб ўтди ва 22 декабрда оила у билан алоқани йўқотди. Полиция ходимлари камералардан унинг хонадонига икки гумонланувчи кирганини, бир неча соат ўтгач, улар аёлнинг жасадини қопларга солиб, уйдан 100 метр узоқликдаги канализация қудуғига улоқтиришганини аниқлаган.

Дастлабки маълумотларга кўра, бу одамлар Й. ва О. исмли ўзбекистонликлар бўлиши мумкин. 22 декабр куни улар Қирғизистонга учишлари керак эди. Татаристон Республикаси Тергов қўмитаси қотиллик (Россия Федерацияси Жиноят кодексининг 105-моддаси) бўйича жиноий иш қўзғатган.