Мигрантдан пул талаб қилган шахслар қўлга олинди

Илгари ҳам судланиб қўлга тушган икки эркак Нижний Новгородда мигрантдан пулини қайтаришни талаб қилган.

Шиномонтажда ишловчи 32 ёшли йигит икки нафар нотаниш йигит ва таниш аёл келиб, ундан қарзини қайтаришни талаб қилган. У рад этгач, йигитлардан бири травматик тўппончани олиб, мигрантнинг оёғига ўқ узган. Кейин улар уни гараж ҳудудига олиб боришган ва телефонини тортиб олиб, ғойиб бўлишган. Жабрланувчининг таниши уни ишга қайтариб олиб келган ва тиббий ёрдам чақирган.

Полиция муқаддам судланган 23 ва 32 ёшли икки эркакни қўлга олди. Уларнинг иддаосича, бир йил олдин жабрланувчига таниш аёл 40 минг рубл қарз олишни сўраган. Чет эллик пулнинг ҳаммасини қайтармаганида, йигитлар қолганини талаб қилишга қарор қилишган. Мазкур ҳолат юзасидан “Зўрлик ишлатиб, товламачилик” моддаси бўйича жиноят иши қўзғатилган. Йигитлар уй қамоғида, полиция эса қурол эгасини қидирмоқда.

Бундан ташқари, муҳожир Россияда ноқонуний бўлганлиги маълум бўлди. Унга бўлиш тартибини бузгани учун протокол тузилган, даволанганидан сўнг мамлакатни тарк этишга мажбур бўлади.