Мигрантларга сотувчи ва ҳайдовчи сифатида ишлаш тақиқланмайди

Хабаровск ўлкаси депутати Кукушкин 2023 йил охирида яна бир бор муҳожирларнинг йўловчи ташиш ва савдо соҳаларида ишлашини тақиқловчи ташаббусни илгари сурган эди. Бироқ унинг таклифи ҳамкасблари томонидан маъқулланмади. Ўлка ҳокимияти бу меҳнат ресурслари танқислигига олиб келиши мумкинлигини айтмоқда.

— Минтақамиз иқтисодиёти кадрлар тақчиллиги шароитида ишламоқда. Россия фуқаролари ҳисобидан ишчи кучига бўлган талабни тўлиқ қондириш мумкин эмас. Ўлкада иш берувчиларнинг бўш иш ўринларига йиллик талаби 22-26 минг кишини, рўйхатга олинган ишсизлар эса 3-4 минг кишини ташкил этади. Бизга хорижий давлатлардан ишчилар керак”, – дея изоҳ берган ўлка  Иқтисодий ривожланиш вазирлиги.

Ўтган даврда савдо соҳасида 600 дан ортиқ, йўловчи ташиш соҳасида эса 43 киши ишлаш учун патент олган. Ўтган йилги кўрсаткичлар бироз юқорироқ эди.

Вилоятда муҳожирларнинг меҳнатини тақиқлаш тажрибаси илгари ҳам бўлган, лекин бундан яхши нарса чиқмаган эди: иш берувчилар ҳайдовчилар ва сотувчиларни рухсатномасиз ёллай бошладилар. Бундай чоралар меҳнат бозоридаги вазиятни яхшиламайди ва Россия фуқаролари пайдо бўлган бўш иш ўринларини тўлдирмайди. Келажакда бундай ҳолат муқаррар равишда транспорт фаолиятининг ёмонлашишига, иқтисодий фаолликнинг пасайишига ва солиқ тушумларининг камайишига олиб келади.