Moskvadagi ayrim ko‘chalar 12 va 13-oktyabr kunlari yopiladi

12- va 13-oktyabr kunlari “Moskva marafoni” bo‘lib o‘tishi munosabati bilan Lujnetskaya naberejnaya, Frunzenskaya naberejnaya, Kotelnicheskaya naberejnaya, Chistoprudniy bulvar, Tverskaya va Moxovaya ko‘chalari yopilishi e’lon qilindi. Aniq tasavvur va tushunchani rasmdagi marafon xaritasidan olish mumkin.

12- va 13-oktyabr kunlari imkon qadar sanab o‘tilgan ko‘chalarga mashinada va umuman, shahar markaziga bormay turish tavsiya etiladi. Chunki marafon o‘tkaziladigan ko‘chalar piyodalar uchun ochiq bo‘ladi, xolos. U yerda parkovka va mashinada harakatlanish man etiladi.

“Moskva marafoni”da sog‘lom turmush tarzini qo‘llab-quvvatlovchi har bir fuqaro qatnashishi mumkin. Marafon qatnashchilari 10 yoki 42 kilometrlik masofani Moskvaning go‘zal manzaralari bo‘ylab yugurib o‘tishadi. Qatnashchilar sport kiyimida bo‘lishlari kerak.