Муфтий Крганов: Марказий Осиё давлатлари Россияга келаётган муҳожирлар билан ишлашлари керак

Бу Россия Федерацияси ҳудудига келишдан олдин амалга оширилиши керак, дейди Албир Крганов.

Россия мусулмонлари диний уюшмаси (ДСМР) раҳбари, муфтий Албир Кргановнинг фикрича, Марказий Осиё мамлакатларидаги дин арбоблари муҳожирлар Россияда ҳуқуқбузарликларга йўл қўймаслиги учун улар билан Россия ҳудудида ҳам, уларнинг мамлакатга келишидан олдин ҳам фаолроқ иш олиб боришлари керак экан.

“Мигрантлар билан ишлашда улар келаётган давлатлар фаолроқ бўлиши керак, – деган у. “Марказий Осиё мамлакатларида сайловлар бўлса, уларнинг диний етакчилари бу ерга – ҳар бир шаҳарга келиб, ҳамма жойда муҳожирларни йиғиб, улар ўртасида ташвиқот ишларини олиб боришади. Нега муҳожирлар билан ишлашни шундай ташкил қилмайсизлар?.. Бу Тожикистон, Ўзбекистон, Қирғизистон муфтий биродарларимизга савол – бу ерда тизимли иш бўлиши керак, улар Бу масала билан қизиқсалар, бу ишни ташкил қилишлари керак, чунки бу ерда уларнинг давлатлари фуқаролари-ку”.

Шунингдек, унинг сўзларига кўра, Россияга мигрантлар оқими кўп бўлган мамлакатларнинг элчихоналари бу одамлар билан боғлиқ муаммоларга “кўпроқ эътиборли” бўлиши керак.

Акс ҳолда, дейди муфтий, Россиядаги ҳокимият ва хавфсизлик кучларига, “бу муаммо уларга ҳам тегишли бўлаётган” маҳаллий мусулмон фуқаролар жавоб бериши керак. “Миллионлаб фуқароларини бу ерга жўнатаётган давлатлар қани? Афсуски, мен уч йилдан буён бу борадаги тизимли ишларни кўрмаяпман”, – дея хулоса қилган Крганов.