Санкт-Петербург миграция бошқармасининг собиқ раҳбарини ФСБ ҳибсга олди

Тергов маълумотларига кўра, Колесников танишининг тадбиркор ўғлига ноқонуний ёрдам берган.

Москвада ФСБ ходимлари Ички ишлар вазирлигининг Санкт-Петербург ва Ленинград вилояти бўйича миграция бошқармаси собиқ бошлиғи Андрей Колесниковни қўлга олди.

Тергов маълумотларига кўра, Колесников ўзининг таниши бўлган  тадбиркорнинг ўғлига хорижликларни ноқонуний миграция рўйхатидан ўтказишга ёрдам берган.

Колесников ўз квартирасида ушланган. Унга нисбатан Россия Федерацияси Жиноят кодексининг 286-моддаси (“Мансаб ваколатларини суиистеъмол қилиш”) билан жиноий иш қўзғатилган. У хорижликлар Санкт-Петербургда қонуний яшаб, ишлаганликларини кўрсатувчи ҳужжатларни имзолаши натижасида Санкт-Петербургда 16 мингга яқин хорижлик миграцион рўйхатга олинган. Тадбиркорнинг ўзи ҳозир ноқонуний миграция бўйича тергов остида.

Колесников 2021 йилда Москвадан Санкт-Петербургга тайинланган эди.

У тахминан бир ой олдин у миграция бўлимидан ўз хоҳиши билан истеъфога чиққан.