Санкт-Петербургда ҳам патент нархи ошади

2024 йилда Санкт-Петербургда меҳнат патентининг нархи 4600 рубл этиб белгиланди. Бу 2023 йилга нисбатан 5 фоизга юқори. Айни пайтда патентнинг нархи 4400 рублни ташкил қилади.

Ойлик меҳнат патентини тўлаш орқали визасиз мамлакатлардан келган муҳожирлар аванс усулида белгиланган тўловда Россия Федерацияси бюджетига даромад солиғини тўлайдилар.

Патент нархининг ошиши хорижликлар ишлаётган иқтисодиётнинг асосий тармоқларида иш ҳақининг ошиши билан изоҳланади.

Шу билан бирга, Санкт-Петербург ҳукумати патентнинг қимматлашишидан шаҳар бюджетини 9 миллиард рублдан ортиқ маблағ билан таъминлашни мўлжалламоқда.