Туркияда чет элдан келтирилган телефонлардан фойдаланиш муддати ўзгармоқда

АК Партияси Ташқи алоқалар бўйича  масъул раиси ўринбосари Зафер Сиракая, янгича тартиб бўйича электрон ҳукуматга ариза бериш йўли билан 30 кундан икки марта узайтириш мумкинлигини маълум қилди.

Сиракая ижтимоий тармоқлардаги саҳифасида тарқатган инфографикага кўра, Туркияда рўйхатдан ўтмаган хориждан олиб келинган мобил қурилмалардан фойдаланиш муддати 180 кунга узайтирилади.

Сиракая, шунингдек, чет элда нафақага чиққан ва Туркияда узоқ вақт қолган фуқароларга вақтинча мамлакатга олиб келган транспорт воситалари учун 730 кунлик муддат берилганлигини таъкидлаб, “Бу муддатдан кейин чет элда нафақага чиққан фуқароларимиз транспорт воситалари билан яна чет элга чиқишга ҳожат қолдирмасдан бир марталик лицензия берилади. “730 кунгача қўшимча муддатни назарда тутган низомимиз 2024 йилда кучга киради”, деб таъкидлаган.

Сиракая таъкидлаган инфографикага кўра, вақтинчалик импорт доирасида Туркияга олиб келинган транспорт воситаларининг қолиш муддати чет элдан нафақахўрлар учун 4 йилга оширилади. Чет элда яшовчи пенсионерлар Туркияга олиб келган транспорт воситаларининг қолиш муддатини бир марта 2 йилга узайтира олади.

Биринчи 2 йиллик муддат тугагунга қадар божхона идораларига мурожаат қилган нафақахўрларга транспорт воситаларини хорижга олиб чиқиб, 185 кун кутмасдан қўшимча 2 йил берилади. Ҳозирда Туркияда бўлган транспорт воситалари ҳам бу ҳуқуқдан фойдалана олади. Мазкур қарор 2024 йил 1 январдан кучга киради.