Ўзбекистонликларнинг Эронга визасиз бориши қачон бошланиши маълум қилинди

28 давлат фуқароларига Эронга визасиз кириш учун рухсат берилди.

Ташқи ишлар вазирининг консуллик, парламент ва Эрон муҳожирлари ишлари бўйича ўринбосари Али-Ризо Бигделий Эронга сайёҳ сифатида келган 28 давлат фуқаролари 4 февралдан бошлаб визасиз мамлакатга кириши мумкинлигини хабар қилди.

Чоршанба куни IRNA  мухбири билан суҳбатда Бигделий, Ташқи ишлар вазирлиги 28 давлат билан визанинг бир томонлама бекор қилинишига оид Вазирлар Маҳкамаси қарори ҳақида тегишли идораларни хабардор қилганини айтди.

Шунга кўра, Эронга сайёҳ сифатида саёҳат қилаётган ушбу 28 давлат фуқаролари Эронга саёҳат қилиш учун визага муҳтож бўлмайди.

Ҳиндистон фуқаролари Эронга визасиз ҳаво орқали киришлари мумкин, аммо агар улар қуруқликдаги чегаралар орқали кирмоқчи бўлсалар, виза олишлари керак, деди у.

Унинг таъкидлашича, 28 давлат қаторига Саудия Арабистони, Қатар, БАА, Баҳрайн, Қувайт, Ўзбекистон, Қирғизистон, Тунис, Танзания, Мавритания, Зимбабве, Маврикий, Сейшел ороллари, Япония, Индонезия, Сингапур, Куба, Ветнам, Камбоджа, Бруней, Бразилия, Мексика, Перу, Хорватия, Сербия, Босния ва Герцеговина, Беларус ва Ҳиндистон (ҳаво) киради.