Якутскда жанжал: арманлар ва тожиклар ўртасида отишма содир бўлди

Воқеа натижасида икки киши яраланган.

Якутскда ишчилар қурилиш майдонидаги можаро вақтида отишма бошланган, улардан икки нафари яраланган, деб хабар берган Ёқутистон Республикаси ИИВ.

Маълумотларга кўра, отишма Якутскнинг Вилюй тракти бўйлаб қурилаётган бинода содир бўлган.

Ижтимоий тармоқда можаро арманлар ва тожиклар ўртасида бўлгани ҳақидаги хабар тарқалмоқда. Ёқутистон Ички ишлар вазирлиги жанжалда қатнашганларнинг миллатига аниқлик киритмаган, бироқ ҳодисада мигрантлар иштирок этганини тасдиқлайди.

Текширув ишлари олиб борилмоқда. Отишмада гумон қилинган икки арманистонлик қидирувга берилган.