Японияда асли ўзбекистонлик аёл депутат этиб сайланди

Орзугул Бобохўжаева Токионинг 23 туманидан бирига депутат бўлди.

37 ёшли ўзбекистонлик Орзугул Бобохўжаева Токио (Япония) шаҳридаги Сетагая туман ассамблеясига депутат этиб сайланди. Бу ҳақда у Facebook’даги саҳифасида маълум қилди.

Қайд этилишича, Орзугул Бобохўжаева Япония Конституциявий-демократик партиясидан сайланган. Жорий йилнинг 23 апрель куни сайловнинг якуний босқичи бўлиб ўтган ва унда ўзбекистонлик аёл 6771 овоз тўплаган.

Маълумот ўрнида, Сетагая Токио шаҳрининг 23 та тумани ичида энг аҳолиси зич жойлашган ва иккинчи йирик тумани ҳисобланади. Бу ҳақда Uznews ёзмоқда.