1-oktabrdan migrantlarning daromadi haqida ma’lumotlar MVDga uzatiladi

Rossiya soliq xizmati Rossiyada ishlayotgan chet el fuqarolarining daromadlari haqidagi ma’lumotlarni Ichki ishlar vazirligiga berishni boshlaydi. Ichki ishlar vazirligi chet elliklarning topgan pullarini tekshirish qoidalari va muddatlarini belgilab beruvchi hujjat loyihasini tayyorlab qoʻydi.

Bunday ma’lumot almashinuvi 2026-yil 1-oktyabrdan boshlanadi. Soliq xizmati 3, 6, 9 va 12 oy uchun sugʻurta badallari boʻyicha hisoblangan toʻlovlar haqidagi ma’lumotlarni yuborib turadi. Bu hisobotlar har bir ish davri tugaganidan keyin 45 kalendar kunidan kechiktirilmay yuboriladi. Agar inson oʻzini oʻzi band qilgan boʻlib ishlayotgan boʻlsa, uning topgan pullari haqidagi barcha ma’lumotlar bevosita «Moy nalog» mobil ilovasidan kelib tushadi.

Agar migratsiya hisobi tizimiga chet el fuqarosining daromadi yoʻqligi yoki u juda kamligi haqida xabar kelsa, tekshirishni boshlash toʻgʻrisidagi qaror tez fursatda, 3 ish kuni ichida qabul qilinadi. Hujjatlarni tekshirishning oʻzi 30 ish kunidan koʻp davom etmaydi, uning barcha natijalari esa albatta maxsus jurnalga yozib qoʻyiladi. Tekshiruv organlari qanday qaror qabul qilgani haqida chet ellik ishchi keyingi kuni elektron shaklda yoki «Gosuslugi» portalidagi shaxsiy kabineti orqali xabardor qilinadi.