Армияда хизмат қилишни истамаган  мигрантлар Россия фуқаролигидан маҳрум қилинди

Россияда илк бор қўшни давлатлардан келган икки ака-ука фуқароликдан маҳрум этилди. Улар Россияга фуқаролик олиш учун келган, аммо армияда хизмат қилишни хоҳламаган.

Қонунга кўра, Россия фуқаролигини олган барча эркаклар 14 кун ичида ҳарбий рўйхатдан ўтишлари керак. Ака-ука бўлган бу муҳожирлар бу ишни қилмаганидан сўнг суд уларни фуқароликдан маҳрум қилишга қарор қилди.

Энди улар Россияни тарк этишлари керак. Агар ўз ихтиёри билан кетишмаса, депортация қилинади.

Бу Россияда фуқароликдан маҳрум этилган иккинчи ҳолат. Гиёҳванд моддаларни сақлашда айбланган икки эркакнинг фуқароликдан маҳрум этилгани ҳақида хабар берган эдик.

Россияда муайян жиноят содир этган шахсларни фуқароликдан маҳрум қилишга рухсат берувчи қонун мавжуд. Ушбу жиноятлар рўйхатига, масалан, саботаж, дезертирлик, терроризмга чақирувлар ва бошқалар киради.