“Бизда шундай ҳолат рўй берганига ишонгим келмаяпти” – Омбудсмaн Татьяна Мерзлякова

Инсон ҳуқуқлари омбдусмaни Татьяна Мерзлякова қирғизистонлик меҳнат муҳожирлари рейд давомида “ғоз” каби юришгани мажбурлангани борасида суриштирувларини ўтказмоқда.

“Бу аҳмоқлик эканини гапиргандим. Бизда шундай ҳолат рўй берганига ишонгим келмаяпти. Иш берувчини чақириб, нечта қонуний ва ноқонуний ишчинг бор, деб сўраш мумкин эди-ку? Олдин фақат бир марта қамоқхонадагиларни ғоз қилиб юргизишганидан хабарим бор. Бошқа бизда бундай ҳолатлар бўлмаган. Инсонийлик қадр-қимматини туширмай ишлаш керак”, деган журналистларга фикр билдираётиб Екатеринбург омбудсмени.

Аввалроқ айнан Татьяна Мерзляковага Қирғизистон ва Ўзбекистон омбудсменлари ва Қирғизистон расмийлари воқеани ўрганиш борасида мурожаат қилишган эди. Хусусан, Қирғизистон Ташқи ишлар вазирлиги Екатеринбургдаги ушбу воқеадан сўнг федерал даражадаги текширув ўтказилишига эришган эди.

Ўтган ҳафтда рўй берган Екатеринбургдаги рейд давомида полиция, ФСБ, Росгвардия ва Русская община, деб номланувчи ўнг қарашли миллий бирликка асосланган жамоатчилик вакиллари шаҳардаги қурилиш майдонига текширув билан келишган. Текширув давомида муҳожирларнинг ҳужжати текшириб, ғоз шаклида ўтириб юришга мажбурланган. Таҳқирланган ҳолат ўнг жамоатчилар томонидан суратга олинган ва ижтимоий тармоқларга жойланган. Муҳожирларга бўлган шафқатсиз муносабат минтақанинг аксарият аҳолисида ва барча мигрантларда эътироз келтириб чиқарди.

Воқеадан кейин «Русской община» координатори Игорь Черноскутов уларнинг жамоати миллатчи эмаслигини, фаолиятларида миллатчилик белгилари йўқлигини айтган.

Татьяна Мерзлякова рейдларда иштирок этаётган жамоатчилар борасида бу ёмон амалиётлигини изоҳлаган.

“Биз нодавлат ташкилотларга қулоқ тутишимиз керак. Аммо жамоатчилар омма эътиборига бундай нарсаларни тақдим этса…Нега? Нега бунақа нарсаларни чиқаришади?”, дея тушунмаётганини билдирган омбудсмен.

Татьяна Мерзлякова омбудсмен аппаратидаги мутахассислар билан ўтказган суриштируви ва ҳамкасблари мурожаатига асосланиб, прокуратурага ариза ёзганини маълум қилган.