O‘zbekistonlik muhojir qurilayotgan binodan yiqilib tushdi

Leningrad oblastining Vsevolojsk tumanida 2-iyul, seshanba kuni 22 yoshli O‘zbekiston fuqarosi og‘ir ahvolda Vsevolojsk shahar kasalxonasiga yetkazilgan. U soat 19:00 atrofida Yanino-1 qishlog‘idagi Zavodskaya ko‘chasida qurilayotgan uyning birinchi qavatidagi chuqurdan balandlikdan yiqilish alomatlari bilan topilgan.

Muhojir turar-joy binolarini qurish bilan shug‘ullanadigan «Gefest» kompaniyasida ishlagan. Hodisa joyi ko‘zdan kechirilganda uchinchi qavatdagi taxta shikastlangani, sakkizinchi qavatdagi to‘siqlar yo‘qligi aniqlangan. Voqea holatlari aniqlanmoqda.