Instagram капут! Тармоқ 14 мартдан Россияда блокланaди

Роскомнадзор россияликларга нисбатан зўравонликка чақирувлар туфайли Instagram’га киришни блоклайди.

Қисқа муддат аввал Россияда Facebook буткул блокланган эди.

Россия Бош прокуратураси Meta’ни экстремистик ташкилот деб тан олишни сўраб судга мурожаат қилди. Бундан ташқари, прокуратура Роскомнадзордан Instagram ижтимоий тармоғига кириш учун ҳам чеклов қўйишни талаб қилган. Роскомнадзор Бош прокуратуранинг ушбу талабига биноан Россияда Instagram ижтимоий тармоғига киришни чеклаш ҳақида қарор чиқарди. Чекловлар 14 мартдан бошлаб кучга киради.

Бунга Мeta компанияси ўзига тегишли бўлган ижтимоий тармоқ платформалари — Instagram ва Facebook’да россияликлар, жумладан, рус ҳарбий хизматчиларга нисбатан зўравонлик чақириқларини блокламасликка рухсат бераётгани сабаб бўлди.

Маълумот учун, аввалроқ Мeta айрим мамлакатлардаги Facebook ва Instagram фойдаланувчиларининг Россия ҳарбийлари ҳамда Владимир Путинга қарши зўравонлик чақириқларини блокланмаслигини берганди. Бундан ташқари, ижтимоий тармоқлар Россия президенти Владимир Путин ва Беларус президенти Александр Лукашенкога нисбатан ўлим чақирувларини олиб ташламаслиги таъкидланганди.