Калуга вилоятида мигрантларни рўйхатга олиш тамойилларини ўзгартиришмоқчи

Калуга вилояти Қонунчилик мажлиси «Россия Федерациясида чет эл фуқаролари ва фуқаролиги бўлмаган шахсларни миграция рўйхатидан ўтказиш тўғрисида» Федерал қонунининг 15-моддасини ўзгартиришга оид ташаббус билан чиқди.

Калуга вилояти депутатларининг фикрига кўра, қонун чет элликларни рўйхатга олиш мумкин бўлган минимал яшаш майдонини белгилаши керак. Шу билан бирга, бир киши учун ушбу минимал норма Россия Федерацияси Уй-жой кодексининг 50-моддасига мос келиши керак.

Ўз навбатида, Уй-жой кодексининг ушбу моддасида ҳисобга олиш (минимал) ставкасини маҳаллий давлат ҳокимияти органлари томонидан ўрнатилиши назарда тутилган. Яъни, агар Калуга вилояти депутатларининг қонунчиликка оид ташаббуси маъқулланса ва қабул қилинса, чет эл фуқаросини рўйхатга олиш учун етарли бўлган минимал майдон маълум бир муниципалитет томонидан белгиланади.

Ташаббус, баъзида ўнлаб, ҳатто юзлаб хорижликлар рўйхатга олинган квартиралар ва уйларга, уларнинг эгаларига қарши чоралар кўришга йўналтирилган.

Бошқа томондан, Россия Федерациясининг жиноий қонунчилиги чет элликларни сохта рўйхатга олиш учун жазони назарда тутади.

Жойлардаги қинғир ишлар ва ўнлаб чет элликларнинг бир хонадонда рўйхатдан ўтиши Ички ишлар вазирлигининг коррупционер вакиллари иштирокисиз амалга оширилиши мумкин эмас. Бу шуни англатадики, кўрилаётган чоралар яшаш майдонининг минимал нормаси погонли «қонунбузарлар»нинг ноқонуний фаолиятини тўхтатишга қаратилган, лекин бу мақсадга қанчалик эришиш мумкинлиги номаълум.