Мигрантлардан пора олган владивостоклик собиқ полициячи судланмоқда

Россия Ички ишлар вазирлигининг Владивосток шаҳри бўйича 6-сонли полиция бошқармаси миграция бўлими собиқ катта инспектори ўта йирик миқдорда пора олганликда айбланмоқда. Тергов маълумотларига кўра, у муҳожирлардан Россияга келганлик ҳақидаги “уведомление” – билдиришномаларини навбатсиз  қабул қилиб, тақдим этилган маълумотларни текширишга кўз юмгани учун пора олган. Пораларнинг умумий миқдори 14 миллион рублни ташкил этган.

Айбланувчи полицияда 2014 йилдан буён ишлаб келган. Қонунга кўра, Россияга келиш ҳақидаги билдиришномалар барча мигрантлардан навбат бўйича қабул қилиниши ва тегишли равишда текширилиши керак. Бироқ терговга кўра, собиқ полициячи унга пора бермаган мигрантлар учун сунъий муаммолар яратган. У билдиришномаларни олиш учун уларни етти кунгача кутишга мажбур қилган, шунингдек, агар уларда хатолар бўлса, огоҳлантириш хатларни қабул қилишдан бош тортган.

Айбланувчи пора тариқасида нақд пул, шунингдек, товарлар ва хизматлар ҳам олган. Олинган пулни у шахсий мақсадлари учун ишлатган.

2022 йил декабр ойида айбланувчи ҳибсга олинган, 2023 йил январида эса полициядан бўшатилган. Унинг маблағлари мусодара қилинган.

Шунингдек, прокуратура пора берганга нисбатан жиноий иш алоҳида тергов қилинаётганини қайд этган.

Бу ҳолат ички ишлар органларидаги коррупция жиддий муаммо бўлиб қолаётганини кўрсатади. Бу фуқароларга зарар етказади ва ҳуқуқни муҳофаза қилиш органларига ишончни сусайтиради.