Мақола

590 25/08/2022

Ўзбекистон футбол ассоциацияси (ЎФА) биринчи вице-президенти, дунёнинг энг яхши ҳакамларидан бири Равшан Эрматов Россия футбол иттифоқи (РФИ) президенти ҳузуридаги Эксперт ҳакамлар комиссияси (ЭҲК) таркибига қўшилди. Бу ҳақда fergana.media хабар беради.

Эрматов ЭҲК амалдаги таркибининг тўққизинчи аъзоси бўлди. Ундан ташқари комиссия таркибига РФИ ҳакамлар бўлими бошлиғи Павел Каманцев, Сергей Зуев, Александр Гвардис, Николай Иванов, Сергей Фурса, Николай Левников, Олег Соколов ва Эдуард Малий ҳам киритилган.

Эрматов ЎФАдаги ўз лавозимини сақлаб қоладими ёки йўқми, ҳозирча аниқланмаган. Эрматовнинг икки давлатда лавозим эгаллаши ўзбек футболи ривожига динамика қўшадими ёки йўқ, бу ҳам номаълум.

Равшан Эрматов 2003 йилдан бери FIFA рефериси. Беш марта Осиё Футбол Конфедерациясининг (ОФК) энг яхши ҳаками деб топилган. 2015 йилда у Globe soccer awards мукофотларини (энг яхши ҳакам) қўлга киритди. У учта жаҳон чемпионати (2010, 2014, 2018), учта Осиё кубоги (2011, 2015, 2019), Олимпия ўйинлари (2012) ва клублар ўртасидаги жаҳон чемпионатида (2008) ишлаган. Эрматов жаҳон чемпионатида якунланган ўйинлар сони бўйича рекордчи (11 та) ҳисобланади.

2019 йил июнь ойида Эрматов ЎФА биринчи вице-президенти вазифасини бажарувчиси этиб тайинланган эди. Бу лавозимда у Умид Аҳмаджоновни алмаштирди. 2020 йил февраль ойида у Ўзбекистон Жисмоний тарбия ва спорт вазири ўринбосари лавозимини эгаллади. 2021 йил апрель ойида Эрматов вазир ўринбосари лавозимидан истеъфога чиққани ва республика олимпия қўмитаси вице-президенти лавозимига тайинлангани ҳақида маълумот пайдо бўлган эди.

Эрининг ўчини боласидан олаётган аёллар

Навигация