Россияда «Роллтон» танқислиги юзага келди

Бунга импорт қилинадиган зираворлар билан боғлиқ муаммолар сабаб бўлган.

“Россияда қутиларда сотиладиган  “Роллтон” танқислиги пайдо бўлди”, деб хабар беради Mash телеграм канали. Унинг қўшимча қилишича, бу танқислик сабаби зираворларни  импорт қилиш қийинлашгани билан боғлиқ муаммолардир. Илгари компания қийинчиликларга қарамай, савдода қийинчиликлар бўлмаслигига умид билдирган эди.

Шу пайтгача компания зираворларни Европадан олган, улар ўз навбатида уларни бошқа мамлакатлардан сотиб олган. Энди “Роллтон” янги йўлларни излаб топиб, Хитой орқали олишни режалаштирмоқда. Ҳозир компания раҳбарияти ушбу муаммони ҳал қилиш билан банд. Телеграм каналида хабар қилинишича, “Роллтон” макаронлари билан биргаликда унинг асосий рақобатчиси “Доширак” билан ҳам муаммолар юзага келган.