Самара вилоятининг Ставрополь туманида “Лада Ларгус” ва “Газел” автомобиллари тўқнашиб кетган.
Йўл-патрул хизматининг дастлабки маълумотларига кўра, воқеа соат 11:25 да М-5 “Урал” автомагистралининг 947-километрда содир бўлган. Ушбу ҳудудда “Лада Ларгус” ва “Газел” автомобиллари тўқнашиб кетиши оқибатида 3 киши воқеа жойида ҳалок бўлган. Яна тўрт киши тиббиёт муассасаларига ётқизилган.
Воқеа жойида қидирув-қутқарув хизмати билан биргаликда ўт ўчирувчилар ва қутқарувчилар ишлади. Полиция ходимлари воқеанинг барча ҳолатларини аниқламоқда.
Ҳалок бўлганлар ва жароҳатланган фуқаролар Қашқадарё вилоятига тегишли автомобилда бўлишган.
Аллоҳ марҳумларни раҳматига олсин!