Санкт-Петербургда Африкадан мигрантлар сони кескин ошди

2023 йил бошидан буён hh.ru сайтига Африка давлатларидан иш изловчилар 1,5 мингдан ортиқ резюмени жойлаштирган ёки янгилаган. Бу уларнинг аллақачон Санкт-Петербургда ва иш қидираётганликларини билдиради. Бу ўтган йилнинг январ-сентябрь ойларига нисбатан 2,5 баробар кўпдир, деб ёзган HeadHunter онлайн ишга қабул қилиш платформаси таҳлилчилари.

Кўпинча Африка давлатларидан келган талабгорлар ўқитувчи, савдо ёки мижозларга хизмат кўрсатиш бўйича менежер, таржимон, ҳамкорлар бўйича менежер, шунингдек дастурчи, ишлаб чиқувчи, геолог, муҳандис, колл-маркази оператори, тренер ва курьер сифатида ишлашни хоҳлашади. Ушбу мурожаат этувчиларнинг ярми 70 минг рублгача даромад олишни талаб қилмоқда, 21 фоизи 105 минг рублгача, 9 фоизи эса 175 минг рублгача даромад олишни хоҳлайди. Шимоли-ғарбий федерал округи бўйича hh.ru матбуот хизмати раҳбари Мария Бузунова изоҳлашича, “оқ ёқали ишчилар” ва муҳандислар Россия бозорида ишлаш учун тил тўсиқларига эга эмас – улар инглиз, рус ва баъзи ҳолларда француз  тилларида гапира олишади.

Шу билан бирга, африкаликларнинг улуши ҳозирги вақтда hh.ru орқали Санкт-Петербургда иш қидираётган барча хорижий фуқароларнинг атиги 4,5 фоизни ташкил қилади. Мария Бузунованинг таъкидлашича, рекрутинг компаниясининг статистикаси қурилиш объектларида ишлайдиган ишчиларни ўз ичига олмайди, чунки улар платформа орқали иш изламайдилар.

hh.ru қайд этилганидек, хорижий кучлар ёрдамида иш берувчилар кадрлар тақчиллиги билан курашмоқда. HeadHunter СЕО бош директори Дмитрий Сергиенковнинг сўзларига кўра, Африка қитъаси Россия учун яқинда ишчи кучи донорига айланади, чунки энди МДҲ давлатларидан келган муҳожирлар етарли бўлмай қолган. “Техник тараққиётга қарамай, сўнгги 60 йил ичида биз Африкадан ташқари дунёнинг барча мамлакатларида ишчи кучига бўлган талабнинг ортганини кузатдик. Шу пайтгача компаниялар бўш ўринларни бошқа мамлакатлардан келган кадрлар билан тўлдиришган, аммо ҳозир бу етарли эмас. Ҳозир дунё янги танқисликка дуч келмоқда”, – деди у.