Санкт-Петербургда ўз фарзандларининг қўлини куйдирган муҳожир аёл жазоланади

Санкт-Петербургда ҳуқуқ-тартибот идоралари ўз фарзандларини қийноққа солганликда айбланаётган 30 ёшли тожикистонлик фуқарони қўлга олди. 2023 йилнинг 7 декабрида 6 ва 8 ёшли икки ўғил боланинг боғчага бармоқлари куйган ҳолда келганидан сўнг мудира полицияга мурожаат қилган. Гуруҳ тарбиячисига болалар  уларнинг ўз онаси газ горелкаси устида бармоқларини ушлаб турганини айтишган. Россия Федерацияси Жиноят кодексининг 116-моддаси (“тан жароҳати етказиш”) билан гумон қилинувчи сифатида қўлга олинган аёлга нисбатан жиноят иши қўзғатилган. У вақтинча изоляторда сақланмоқда.

Дастлабки маълумотларга кўра, болаларнинг онаси сумкасидан пул йўқолганини билиб қолган. Болалар пулни олганликларини тан олишган, бироқ уни йўқотиб қўйганликларини айтишган. Ўғирлик учун камар билан берилган жазодан сўнг, кичик ўғил пулни ўз ўртоғига берганини айтган.

Ғазабланган аёл болаларига “ўғирлик ёмон ишлиги”ни билдириб қўйиш учун уларнинг қўллларини газ плитаси устида ушлаб турган. Сўроқ пайтида у ўз айбига иқрор бўлди ва пушаймонда эканлигини билдирган.

Россия Федерацияси Жиноят кодексининг 116-моддасига кўра, жисмоний оғриқ келтирган, аммо оғир оқибатларга олиб келмаган бундай ҳаракатлар мажбурий меҳнат, ахлоқ тузатиш ишлари, озодликни чеклаш, мажбурий меҳнат ёки ҳибсга олиш каби турли хил чоралар билан жазоланиши мумкин.