Саудия Арабистони фуқароларига визасиз режим жорий қилинади

Саудия Арабистон фуқаролари авиачипталари бўлган тақдирда, 2023 йил 1 январидан Ўзбекистонда 30 кун визасиз туришлари мумкин.

“Саудия Арабистони Подшоҳлиги фуқаролари учун Ўзбекистон Республикасига кириш режимини янада соддалаштириш чора-тадбирлари тўғрисида”ги Президент Фармони 2022 йилнинг 16 август куни кучга кирди. Бу ҳақда ЎзА хабар бермоқда.

Ҳужжатга кўра, 2023 йил 1 январдан Саудия Арабистони фуқароларига Ўзбекистон ҳудудига киришда 30 кунлик визасиз режим жорий қилинади.

Бунда улар ўзининг мамлакати ёки учинчи давлатга учиш авиачиптасини тақдим қилиши мажбурий бўлади.