Мақола

642 31/08/2022

Собиқ президент 2020 йилда, “коронавирус пандемиясининг энг бошида” касалхонага ётқизилган. Шу кунгача у Марказий клиник шифохонасида шифокорлар назоратида бўлган.

30 август куни Михаил Горбачёв узоқ давом этган оғир хасталикдан сўнг 91 ёшида Москвада вафот этди, деб ёзади Россия ОАВлари.

Собиқ президент 2020 йилда, “коронавирус пандемиясининг энг бошида” касалхонага ётқизилган. Шу кунгача у Марказий клиник шифохонасида шифокорлар назоратида бўлган.

Михаил Горбачёв 1931 йил 2 мартда туғилган. У 1990 йил 15 мартдан 1991 йил 25 декабргача СССРнинг биринчи ва охирги президенти бўлган. Шунингдек, КПСС Марказий Қўмитасининг охирги Бош котиби ва СССР Олий Кенгаши Президиумининг раиси лавозимларида фаолият олиб борган.

BBC`нинг қайд этишича, Горбачёв «Совуқ урушни тугатиш учун ҳаммадан кўра кўпроқ ҳаракат қилган одам сифатида дунёда чуқур ҳурмат қозонган. Аммо собиқ Иттифоқда умрининг охиригача кўпчилик уни мамлакатнинг парчаланишида айблади».

Горбачев Тинчлик учун Нобель мукофоти совриндори ва қайта қуриш, шунингдек, Россия ва жаҳон тарихи муаммоларини ўрганиш билан шуғулланувчи Горбачев жамғармаси асосчиси бўлган.

СССРнинг биринчи президенти Москвадаги Новодевичье қабристонида 1999 йилда вафот этган рафиқаси Раиса Горбачева ёнига дафн этилиши ҳақида хабар берилмоқда.

Эрининг ўчини боласидан олаётган аёллар

Навигация