Ufadagi qurilish maydonida sodir bo‘lgan falokat uch kishining hayotiga zomin bo‘ldi

Ufada ko‘taruvchi moslama yettinchi qavatdan qulashi oqibatida uch kishi halok bo‘ldi.

Ufa shahridagi Mendeleyev ko‘chasida qurilayotgan ob’ektda ko‘taruvchi moslama yettinchi qavat balandligidan qulab tushgani xabar qilindi.

Yaralangan quruvchilarning ikki nafari voqea joyida, yana biri shifoxonada vafot etgan. To‘rtinchi jarohatlangan quruvchining ham ahvoli o‘ta og‘ir.

“Hodisa sabablari aniqlanib, tezkor-tergov tadbirlari olib borilmoqda”, — deya xulosa qilgan matbuot xizmati.