“Унинг барча гапирганлари – шахсий фикри ва фикрлари учун қонун олдида жавоб бериши керак”— Баҳром Исмоилов Усмон Баратов ҳақида

Москва шаҳридаги ўзбеклар диаспораси бошлиғи, юрист Баҳром Исмаилов “Ватандош” номли ердошлар уюшмаси “президенти” Усмон Баратовга ижтимоий тармоқларида Махсус операция иштирокчиларини хўрозга ўхшатган расми учун жиноий иш очилганига изоҳ берди.

Исмаиловнинг Газета.узга айтишича, “Ватандош” уюшмаси мавжуд эмс, Баратовнинг ўзини эса диаспорага ҳеч қандай алоқаси йўқ. Исмаиловга кўра, Баратов омма олдида кечирим сўраб, постлари ва фикрлари учун қонун олдида жавоб бериши керак.

“Унинг барча гапирганлари – шахсий фикри ва фикрлари учун қонун олдида жавоб бериши керак. Россиялик ўзбеклар унинг позициясини кескин қоралайди ва ижтимоий тармоқдаги фикрларига қўшилмайди. Мен Ўзбек ҳарбий-тарихий жамоатчилиги раиси, Улуғ она ватан уруши қатнашчисининг набираси сифатида Баратовнинг сўзларига ўта ёмон қарайман. У омма олдида узр сўраб, қонун белгилаган жавобагрликка тортилиши керак, деган фикрдаман ”, дейди Исмаилов.

18 январь куни “Ватандош” ўзбеклар диаспорасининг бошлиғи Усмон Баратовга миллий адоват ва нафратни қўзғаш айблови билан жиноий иш очилган.

Тергов материалларига кўра, ўтган йилнинг декабрь ойида Баратов ўзининг ижтимоий тармоқдаги шахсий саҳифасида бир гуруҳ инсонларнинг, жумладан Россиянинг Украинадаги махсус операцияси иштирокчилари шаънини ерга урувчи постни жойлаган.

Баратовнинг “Одноклассники”даги саҳифасида президент Владимир Путиннинг тухумлар нархи бўйича фикри билан бирга Россиянинг Украинадаги махсус операция иштирокчиларини хўрозларга қиёсланган расм жойланган. Баратовнинг постига Россия ҳарбий блогерлари эътибор қаратган. Баратов эса унинг ижтимоий тармоқдаги саҳифаларини номаълум шахслар бузиб кирганини иддао қилган.

Аввалроқ Госдума вице-спикери Толстой миллий диаспораларни мафия, деб атаганди.