“Қурбон ҳайитини нишонлаш тўғрисида”ги Президент қарори қабул қилинди

Унга кўра, Қурбон ҳайитининг биринчи куни 28 июн – чоршанба кунига тўғри келади ва фуқаролар 2 июлгача кетма-кет 5 кун дам олади. Шундай қилиб:

• 28 июнь (чоршанба) — Қурбон ҳайити байрами;
• 29 июнь (пайшанба) — барча ходимлар учун қўшимча дам олиш куни;
• 30 июнь (жума) — барча ходимлар учун қўшимча дам олиш куни;
• 1 июль (шанба) — дам олиш куни, шу жумладан, 6 кунлик иш ҳафтасида ишлайдиган ходимлар учун қўшимча дам олиш куни;
• 2 июль (якшанба) — дам олиш куни ҳисобланади.

Қурбон ҳайити байрами сифатида 28 июн – чоршанба куни нишонланади.

2022 йил 23 декабрдаги “2023 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида”ги фармон билан иш ҳафтасининг туридан қатъи назар ходимлар учун 29-30 июн кунлари, 6 кунлик иш ҳафтасида ишлайдиган ҳодимлар учун 1 июл куни қўшимча дам олиш куни сифатида белгиланган эди.