Ўзбекистонга қувилган россиялик мигрант ёхуд «Москва кўз ёшларга ишонмайди»

Фарғоналик Константин Пугачев 21 йилдан буён Москвада яшаб келаётган эди. Аммо яқинда унинг ҳаёти кескин ўзгарди – у Ўзбекистонга қайтариб юборилди ва унга беш йил давомида Россияга қайтиш тақиқланди. Ҳозир у қурилишда электрик бўлиб ишлайди, даромади кам. Унинг  фақат битта орзуси бор: Москвага, оиласи бағрига қайтиш.

Россияга 2002 йил, 19 ёшида келган Константин бу ерда йигирма йилдан ортиқ ВНЖ билан яшади. Аммо шахсий сабаблар туфайли у Россия паспортини ололмаган ва 2023 йил бошида рухсатнома муддати ўтгани учун полиция томонидан ҳибсга олинган.

«Мен ҳужжатларни эртага, индинга, пул бўлганда қиламан, деб ўйлагандим», дейди Константин. «Мен у ерда яшаганимда, ҳеч ким мендан паспорт сўрамаган эди», дейди Россиядан қувилган рус йигити.

Россиядан депортация қилинмаслик учун унга Украинадаги ҳарбий амалиётларда қатнашиш таклиф қилинди, аммо у бу фикрни қатъиян рад этди. Депортациядан сўнг у кўчада яшашга мажбур бўлган оғир даврни бошидан кечирди, бироқ кейинчалик танишлари туфайли қурилишга ишга жойлашди.

Ҳозир Ўзбекистонда ишлаб, Россияга қайтишни орзу қилади. Томскда қолган оиласи уни кутиб,  тезда учрашишга умид қилмоқда. Константин яқинлари олдига қайтиш учун Россия фуқаролигини олишни истайди. Унинг оиласи яна бирлашиш ва келажагини биргаликда қуришда давом этиш имкониятини интиқлик билан кутмоқда.