Америкага хорижий ишчилар керак

The Wall Street Journal АҚШда меҳнатга лаёқатли аҳоли сонининг камайиб бораётгани ва буни тўлдирувчи меҳнат миграциясининг муқаррарлигини муҳокама қилган.

Ўтган ҳафта чоп этилган тадқиқотга кўра, 2040 йилга бориб Америкада меҳнатга лаёқатли фуқаролар сони 2022 йилга нисбатан 6 миллиондан кўпроққа камаяди. Бунга қарши туришнинг ягона йўли чет элдан ишчиларни жалб қилишдир. Америкаликлар чет эллик ишчиларни арзон рақобатчи деб билишади ва 2021 йил январидан 2023 йил майигача бўлган даврда АҚШда иш билан бандлик ўсишнинг деярли ярмига тўғри келди. Бу даврда ишлаётган америкалик кекса ишчилар сони ҳам кескин ўсди.

Аҳолининг камайишини яхши деб ўйлаган одам бироз вақтини Япония ва Италияда ўтказиши керак. Ушбу мамлакатлар, аҳоли камайиши сабабидан товар ва хизматларни ишлаб чиқаришида одамлар камайиб кетишини тушуниб етишди. Ҳатто хитойлик коммунистлар ҳам “бир бола” сиёсати туфайли катта ишчи кучи танқислигига дуч келганини тан олади. Ҳозиргача АҚШ иммиграция орқали муаммоларни бартараф эта олди, аммо бу ҳар доим ҳам шундай бўлавермайди. Келажакда туғилишнинг икки баравар камайиши ва қариган жамиятга дучор бўлган мамлакатлар ўртасида рақобат бўлиши кутилмоқда.

АҚШнинг собиқ президенти Доналд Трампнинг Мексика билан чегарада девор қуриш ҳақидаги гапи ва айни чегарада амалдаги президент Жо Байденнинг хатти-ҳаракатлари натижасида юзага келган воқеликлар, агар уларга эътибор берилмаса, жиддий салбий оқибатларга олиб келиши мумкин. Кимдир чет эллик ишчиларни ёллаш америкаликлар учун яхши эканини тан олиши керак.