Mehnat vazirligi migrantlarning Rossiyaga erkin kirishini taqiqlashni rejalashtirmoqda

Mehnat vazirligi rahbari Anton Kotyakov “Ведомости“ga bergan intervyusida migrantlarni ishga olib kelish uyushgan holda bo‘lishi kerakligi, nazoratsiz kirish noto’g’ri ekanligini ma’lum qilgan.

Kotyakovning so’zlariga ko’ra, ish patenti kabi vosita qayta ko‘rib chiqishni talab qiladi. Mehnat vazirligi va Ichki ishlar vazirligi birgalikda chet ellik ishchilarni tashkiliy ravishda jalb qilish variantini ishlab chiqmoqda. Migrantlar o‘z mamlakatida o‘quv jarayonidan o‘tishi va barcha zarur ruxsatnomalarni, jumladan, tibbiy ma’lumotnomalarni olishi rejalashtirilgan. Shundan so‘ng ular Rossiyaga aniq vakansiyalar uchun keladi.

Mamlakatga olib kelingan migrantlar uchun ish beruvchi javobgar bo‘lishi va kafolatlangan ishchi kuchini olishini ta’minlash zarur. Masalan, yollangan ishchilarni ishlashdan bosh tortgan yoki o’z vazifasini tark etgan taqdirda ularga sarflangan summani qaytarishga majburlash lozim.

“Tashkiliy olib kelish, shubhasiz, patentlardan yaxshiroq, chunki u boshidanoq ish beruvchilarning javobgarligini ta’minlaydi. Ammo bu erda hamma narsa unchalik silliq emas, – deydi Davlat Dumasining MDH ishlari va vatandoshlar bilan aloqalar qo’mitasi raisining o’rinbosari Konstantin Zatulin.

Deputatning so‘zlariga ko‘ra, bir necha yil avval O‘zbekistondan mehnat muhojirlarini tashkiliy yollash usulini joriy etishga urinish muvaffaqiyatsiz tugagan. Va bugungi kunda migratsiya jarayonlarida ishtirok etayotgan barcha tomonlar chet ellik ishchilarni tashkiliy yollashni amalga oshirishga na ish beruvchilar, na kelib chiqqan mamlakatlar, na qabul qiluvchi davlat sifatidagi Rossiya, na muhojirlarning o’zlari istamaydi.

Zatulinning fikricha, migratsiya jarayonlarini boshqarishni qayta ko‘rib chiqish, yangi tizimni ishlab chiqish va tasdiqlash zarur.

“Yuqori darajadagi jiddiy muloqot doimiy ravishda qoldirilmoqda. Chunki hozirgi vaziyatdan chiqish retsepti bo‘yicha to‘liq kelishuv yo‘q”, — deya xulosa qilgan Zatulin.